زۆرجار ژیان پێویستی بەوەیە خۆت بێئاگا بکەی، لە کەسەکان، ڕووداوەکان، قسەکان، هەڵوێستەکان!
زۆر ڕووداو هەن دەبێ مامەڵەی ئەفسانە و هەقایەت و سەربوردەی خەیاڵی بۆ بکەی، وا دابنێی هەر بوونی نیە، هەموو ئەو شتانەی لە دەورووبەرت ڕوودەدەن، دەیانبینی، دەیانبیستی، شایستەی ئەوە نین بیریان لێ بکەیەوە، سەرنجیان بدەی!
زۆر ڕووداو هەن دەبێ هەوڵ بدەی فەرامۆشییان بکەی، پشتگوێیان بخەی؛ ئیتر نابێ هەرچی ڕوویدا کاردانەوەت هەبێ، قسەت هەبێ، زۆر گرنگە لەسەر پشتگوێخستن و خۆبێئاگاکردنێکی زیرەکانە خۆت ڕابهێنی، چونکە هەموو شتێک، هەموو ڕووداوێک، هەموو قسەیەک شایستەی ئەوە نییە هەڵوەستەی لەسەر بکەی، کاتی خۆتی پێشکەش بکەی!
خۆشاو و شیلەی پشتگوێخستن، تامەکەی نەچەشتراوە لای زۆربەی کەس!
هونەری پشتگوێخستن، ئەو زانستەی لای زۆر کەس نەزانراوە، پشتگوێخراوە!
Comments
Post a Comment