(أُولَئِكَ عَلَى هُدًى مِنْ رَبِّهِمْ وَأُولَئِكَ هُمُ الْمُفْلِحُونَ)
ئهم كهسانهی كه تهقوا و ئیمانیان كۆ كردۆتهوه وه فهرزهكان ئهنجام ئهدهن لهسهر هیدایهت و ڕێنمایی و ڕووناكین لهلایهن پهروهردگاریانهوه وه ئهم كهسانه سهربهرز و سهرفراز و سهركهوتوون له دونیا و دواڕۆژدا.
البقرة (٥)
(قُلْ مَن يَرْزُقُكُم مِّنَ السَّمَاوَاتِ وَالْأَرْضِ قُلِ اللَّهُ وَإِنَّا أَوْ إِيَّاكُمْ لَعَلَىٰ هُدًى أَوْ فِي ضَلَالٍ مُّبِينٍ)
پێیان بڵێ: كێ ههیه ڕزقی ئێوه بدات له ئاسمانهكان به باران بارین، وه له زهوی به ڕووهك و دانهوێڵه؟ پێیان بڵێ: تهنها خوای گهورهیه، وه ئێمهى موسڵمان و ئێوهى كافران یان ئهوهتا لهسهر هیدایهتین یان لە گومڕاییهكی ئاشكراین، واته: ئێمه لهسهر هیدایهتین و بهڵگهمان هێنایهوه، وه ئێوه لهسهر گومڕاییهكی ئاشكران و بێ بهڵگهن.
سبأ (٢٤)
لە قورئاندا هەمیشە لە پێش وشەی (هدی) واتە هیدایەت پیتی (علی) دێت کە بۆ استعلاء و بەرزییە چونکە ئەوەی هیدایەتی وەرگرت لە بەرزی و بڵندیدایە چ لە دونیا چ لە قیامەتدا، ئەوە شتێکە تەنها ئەوەی اللە ڕێنموویی کردووە هەستی پێدەکات، بەپێچەوانەوە لە پێش وشەی (الضلال) واتە گومڕایی هەمیشە پیتی (في) دێت کە مەبەست لێی ئەوەیە کەسی گومڕا بچوک و ڕیسوایە و هەمیشە لەناو نزمیدایە و لە تاریکاییەکاندا سەرگەردان و نوقم بووە!
ئەگەر اللە هیدایەتی داوی، لەسەر پایە بەرزییەکەت داوای جێگیری بکە، داوای زیاتر بکە، تا زیاتر ڕووگەش بی، تا زیاتر نەژادباشیەکەت بچەسپێ، ئەگەریش کەوتویە ناو نزمایی و سەرگەردانیەکان، داوای هەستانەوە و ڕزگاربوون بکە، زۆر دڵنیابە ئەو نزمییەی لە ناخت دروست بووە هەرگیز بە هیچ دەستکەوتێکی مادی و بە هێز و توانای هیچ کەسێک ناسڕێتەوە تاوەکو ڕێگای هیدایەت نەگریە بەر، پشت نەکەی لە گومڕاییەکانی ڕابردووت؛ دڵخۆشی کەی بوونی دەمینێ کاتێک لە قوڵایی ناڕەسەنی خۆت گیرت خواردبێ!
Comments
Post a Comment