دەگێڕنەوە ژن و مێردێك لە یەکتر جیا دەبنەوە، پیاوەکە کەسێکی دەشتەکی و ئافرەتەکە لە خێزانێکی خانەدانە، دوای جیابونەوە پیاوەکە بەردەوام و بەردەوام بوختانی پێ دەکات قسەی ناشرین و جنێو و هەزارەها شت، ئافرەتەکە لەبەر ئەوەی سەنگینە خۆی بەئاستی نازانێت هیچ وەڵامێکی بۆی هەبێت، کۆتا جار لە وەڵامی هەموو قسەکانیدا ئافرەتەکە دەڵێت:
«پەتێکی ڕزیو بویت هەزارەها جار گرێم دایتەوە»
ـــــــ
زۆر جار بە یەک ڕستە دەتوانی نەیارەکانت کە بە ناهەق قسەت پێدەڵێن، قسەت لەسەر دەکەن، بە زیندوێتی هەڵیانواسی، بێدەنگیان بکەی، چاویان کوێر بکەی، لە داخ و حەسرەتدا خۆیان بخۆنەوە، خۆیان حەز بە لەناوچوونی خۆیان بکەن!
داوای ڕێنموویی زیاتر بکە کە هێزی وشەت پێببەخشرێ، چەکێکی چەند ناوازەیە، کاتێک بەکاری دەهێنی لە کات و سات و شوێنی خۆی، ئێش بۆ ناهەقەکان زیاد دەکات، برینەکانیان نوێ دەکاتەوە، تۆش بۆ هەمیشە شیفا بۆ هەست و برینەکانی دڵت دەگەڕێتەوە!
Comments
Post a Comment