ئەو شارەی پڕە لە باڵەخانەی بەرز، زۆرترین هەلی کار و خۆشگوزەرانی تێدایە، دونیایەک لە کارگەی ئاست بەرزی تێدایە و خاوەن ئابووریەکی بەهێزە، تەکنەلۆژیاکەی تووشی تاسانت دەکات، بەڵام تەوحیدی لەگەڵ نیە، بە دڵنیاییەوە ئەوە شارێکی وێرانبووە و خامۆش و شکستخواردووە، کۆتاییەکەی لەناوچوونە؛ هەموو گۆڕانکارییەک دەبێ لەسەر بنەمای بیروباوەڕێکی دروست هەنگاو بنرێ کە بناغەکەی تەوحیدە، ئەگەرنا ئەو شارە ژێرخانەکەی بە زەلیلی و ژێردەستەیی ڕەنگڕێژ کراوە، هەرگیز ناتوانێ ڕۆڵی سەرکردایەتی و هێز و بەرزی ببینێ، بۆ هەمیشە پاشکەوتەیی بۆی بە میرات دەمینێتەوە!
شارستانیەت و پێشکەوتن و خۆشگوزەرانی ئامانجی باش و ویستراون لە ژیان بەڵام دەبێ هەمیشە لە دوای گۆڕانە گەورەکەی تەوحید و سەرکەوتن بەسەر شەڕ و خراپەی نەفسدا بێت، نەوەک پەراوێز بخرێ یان زۆر درەنگ ئاوڕی لێبدرێتەوە!
تاوەکو دەرفەتی هەناسەدان و بیرکردنەوەت تەواو نەبووە، لەو دونیا ئاڵۆز و قەرەباڵغ و پاشاگەردانیە، شەو و ڕۆژ بخە سەریەک، سەرەداوی ڕۆشنایی ڕاستەقینە بدۆزەوە، لە سەردەمێک خەریکە هەموو لە ناو دەریای دونیاگەرایی و خۆپەرستی و تەماح و چاوچنۆکی بەهیلاک دەچن، زۆربەی خەڵکی لە ناو سەما و هەڵپەڕکێی هاوکێشە ماندوو کەرەکان بێ هۆش کەوتوون، پەست و زەلیل کراوەکان چیڕۆکی سەرکەوتن دەنوسنەوە، بە پاڵەوان خۆیان پێناسە دەکەن!
Comments
Post a Comment